israiliyening liwanning jenubigha qaratqan hawa hujumida ikki muxbir, bir puqra jénidin ayrildi
israiliye liwanning jenubigha hawadin hujum qilip, ikkisi muxbir bolup jemiy üch kishining jénigha zamin boldi.
türkiye awazi radiyosi xewiri: liwanning resmiy xewer agéntliqi —NNA, israiliye armiyesining tayr xarfa bazirigha yéqin yerdiki muxbirlar turuwatqan jaygha hawadin hujum qilip, «elmeyadin» qanilining ayal muxbiri ferah ömer, opérator rabih elmamari we bir puqraning jénigha zamin bolghanliqini xewer qildi.
shunga, 8-öktebirdin bashlap israiliyening liwanning jenubigha qilghan hujumida qaza qilghan zhurnalistlarning sani 3 ke yetti.
yene bir tereptin, biryussélgha jaylashqan xelqara zhurnalistlar birleshmisi israiliyening ghezzede muxbirlarni öltürüshini eyibleydighanliqini bildürdi.
xelqara zhurnalistlar birleshmisining bu heqtiki bayanatida, muxbirlarning ölümliri toghrisida derhal tekshürüsh élip bérish telep qilindi.
bayanatta, hazirghiche israiliyening hujumlirida hayatidin ayrilghan 62 zhurnalistning ismi, qaza qilghan jayliri we waqtigha orun bérildi.
pelestin resmiy xewer agéntliqi — wafa, israiliyening ghezzege qaratqan 7-öktebirdin buyanqi hujumlirida altisi ayal bolup, jemiy 62 muxbirni öltürgenlikini xewer qilghanidi.
