ismail heniyye: «urush toxtitish kélishimige yéqinlashtuq» dédi
hamas rehbiri ismail heniyye israiliye bilen urush toxtitish kélishimige az qalghanliqini we bu mesilide muressechilik qiliwatqan qatargha jawabini yetküzgenlikini éytti.
türkiye awazi radiyosi xewiri: hamasning télégramma adrésida islamiy qarshiliq körsitish herikiti hamasning siyasiy biyurosi bashliqi ismail heniyyening urush toxtitish heqqidiki bayanati élan qilindi.
ismail heniyye: «herikitimiz qatardiki qérindashlargha we muressechilirige jawab qayturdi. urush toxtitish kélishimige yéqinlashtuq» dédi.
hamasning qoralliq qaniti izddin elqassam birigadiliri 7-öktebir (2023) etigende israiliyening pelestinliklerge we mesjidi eqsa qatarliq muqeddes qimmet qarashlirigha üzlüksiz dexli-teruz qilishlirigha jawaben «eqsa topani» namliq keng kölemlik hujum bashlighan bolup, israiliye qisimlirimu ghezze rayonini hawadin éghir bombardiman qilishni bashlighan idi.
israiliye 7 – öktebirde yüz bergen hujumda 310 din artuq eskerni qoshqanda, 1200 israiliyelikning qaza qilghanliqini we 5132 kishining yarilanghanliqini élan qilghan idi.
israiliyening bildürishiche, el qassam birigadilirining qolida 239 israiliyelik esir bar iken.
ghezzediki hökümetning bildürüshiche, 7-öktebirdin buyan israiliye hujumlirida ghezze rayonida kem dégende 5000 kichk bala we 3300 ayalni qoshqanda, jemiy 12 ming 300 puqra öltürülgen.
ishghaliyet astidiki gherbiy qirghaq we sherqiy quddustimu 7 – öktebirdin buyan israiliye qisimliri we qoralliq yehudiy köchmenlirining hujumida 214 pelestinlik öltürülgen.
israiliye qisimliri ghezzede onminglighan yaridar we puqralar panahliniwatqan onlarche doxturxanini mejburiy boshitish üchün doxturxana hoylisini yaki asasliq binalirini bombardiman qilghan.
ishghal qilish jeryanida bezi doxturxanilargha bésip kirgen bolup, bu hujumda yüzligen bigunah puqra öltürülgen we yarilanghan.
