isirailiye ayropilanliri ghezze hujumlirining 45-künidimu bombariman qilishni toxtatmidi
isirailiye ayropilanliri ghezze hujumlirining 45-künide, sheherning oxshimighan jaylirini toxtimay bombardiman qildi.
türkiye awazi radiyosi xewiri: isirailiye ayropilanlirining ghezzediki hindonéziye doxturxanisini qattiq bombardiman qilishi netijiside, deslepki éniqlashlargha asaslanghanda, sekkiz kishi jénidin ayrildi, ikki doxturni qoshqanda onlarche kishi yarilandi.
doxturxanining ikkinchi qewiti bombardiman sewebidin éghir buzghunchiliqqa uchridi.
doxturxanining quruqluqtinmu oqqa tutulghanliqi we etrapighimu zembirek étilghanliqi bildürüldi.
pelestin wafa (WAFA) agéntliqining xewiride bildürülishiche, ghezzening jenubigha jaylashqan xan yunus shehirining gherbiy shimalining hawadin bombardiman qilinishi netijiside onlarche kishi jénidin ayrildi.
xan yunusning sherqidiki sexila baziri we ghezze shehirining jenubigha jaylashqan zeytin, sehra mehellirining top bilen bombardiman qilinishi netijiside nurghun kishining jénidin ayrilghanliqi eskertildi.
hamasning herbiy qaniti bolghan qassam birigadiliri 7-öktebir (2023) «eqsa topani» namliq keng kölemlik hujum bashlighanliqini élan qilghan idi.
isirailiye armiyesimu buninggha jawaben «tömür qilich herikiti» ni bashlighanliqini élan qilghan idi.
künséri keskinleshken toqunushlarda, 13 mingdin artuq pelestinlik jénidin ayrildi. bularning ichide köpinchisi kichik balilar.
