nétaniyahu: «amérika bizge zörür bolghan oq-dorilarni ewetishni dawamlashturmaqta»
israiliye bash ministiri bényamin nétanyahu 43 kündin buyan ghezze rayonigha hujum qiliwatqan israiliyege amérika hökümitining «zörür bolghan oq-dora ewetishni» dawamlashturghanliqini éytti.
türkiye awazi radiyosi xewiri: nétaniyahu tél awiwda dölet mudapie ministiri yow gallant we hökümetning urush kabinéti ezasi bénniy gantiz bilen birleshme axbarat élan qilish yighini chaqirdi.
nétanyahu israiliyening ghezzege bashlighan hujumlirining tunji küni (7-öktebir) din buyan amérikaning yardimini kapaletke ige qilish üchün intayin küchlük diplomatik tirishchanliq körsetkenlikini tekitlep, «söyümlük dostimiz jo baydin bashchiliqidiki amérika biz bilen ortaq menpeetlerni közde tutmaqta. bizge alahide su asti paraxoti we déngiz armiyesi bilen awiamatkilirini ewetti. zörür bolghan oq-dorilarnimu ewetishni dawamlashturmaqta» dédi.
nétaniyahu yéqinqi bir nechche heptin buyan amérika ichide we dunyaning herqaysi jaylirida israiliyege qarshi ghayet zor bésimlar peyda bolghanliqini eskertip, shundaqtimu bularning beziliridin özini qachurushta we qutulushta utuqqa érishkenlikini ilgiri sürdi.
nétaniyahu ghezzede hamasning qolidiki israiliyelik esirlerning qoyup bérilishigha dair kélishimlerge alaqidar nurghun yalghan xewerlerning barliqini tilgha élip, «hazirche birer kélishim yoq, eger kélishim hasil qilinsa, uni israiliye xelqi bilen ortaqlishimiz» dédi.
nétaniyahu insanperwerlik yardemlirining cheklik halda ghezzege ötüshige yol qoyghanliqining bolsa, israiliyening xelqaraning qollishini qolgha keltürüshi üchün muhim ikenlikini bildürdi.
nétanyahu yene, israiliyening 7-öktebirdin buyan tunji qétim jüme künidin béri ghezzege yéqilghu kirishini qobul qilghanliqi heqqidimu toxtilip, bu qedem bilen ghezzediki yéqilghu yétishmeslik sewebidin kélip chiqqan su mesilisi tüpeyli yuqumluq késelliklerning rayonni ishghal qilghan israiliye eskerlirige yuqushining aldini élishnila meqset qilidighanliqini éytti.
nitaniyaxu ruxset qilinghan yéqilghuning peqet su we paskina su pompisi qatarliq jiddiy éhtiyajliq üskinilerge ishlitishke bolidighan az miqdarda ikenlikini alahide tekitlidi.
hamastin kéyin kelgüside ghezzeni pelestin hökümitining bashqurishi toghrisidiki munaziriler üstidimu toxtalghan nétanyahu, «israiliye teripidin öltürülgen pelestinlik qarshiliq körsetküchilerning aile-tawabiatlirigha pelestin hökümiti iqtisadiy yardem bermekte, shunga pelestin hökümitining ghezzeni bashqurushigha yol qoymaymiz» dédi.
