dunyaning herqaysi jaylirida pelestinni qollash namayishliri dawamlashmaqta
bir terepte israiliyening ghezzege qilghan hujumi dawamlishiwatqan bolsa, yene bir terepte dunyaning herqaysi jaylirida pelestinni qollash namayishliri dawamlashmaqta.
türkiye awazi radyosi xewiri: amérika paytexti washingtondiki aqsarayning etrapigha nurghun kishi yighilip, pelestinni qollash namayishi ötküzdi.
washingtondiki xoward uniwérsitétining oqughuchilirimu israiliyening ghezzege qilghan hujumlirigha naraziliq bildürdi.
gérmaniyening paytexti bérlinda ötküzülgen namayishtimu, «pelestin üchün erkinlik», «nomussizlar!» we «derhal urush toxtitish kérek!» dégen shoarlar yézilghan lozunkilarni kötürüp chiqqan namayishchilar, ghezzede minglighan kichik bala we ayallarning öltürülgenlikini tekitlep, gérmaniye hökümitining israiliyeni qollighanliqini tenqid qildi.
saqchilar keng kölemlik bixeterlik tedbirlirini yolgha qoyghan namayish, weqe chiqmastin tinch axirilashti.
engliye parlaménti aldighimu minglighan kishi yighilip, pelestinni qollaydighan shoarlarni towlidi we derhal urush toxtitishni telep qildi.
londonda yashaydighan prawuslawiye yehudiylirimu parlaméntning aldida urush toxtitishni telep qilip namayish qildi.
chéxiyening paytexti piragadimu pelestin üchün erkinlik namayishi ötküzüldi.
old tawn meydanigha yighilghan namayishchilar «pelestin üchün erkinlik» dep shoar yizilghan lozunkilar bilen pelestin bayriqini kötürüshüp pelestinni qollaydighanliqlirini namayan qildi.
