yawropa rusiyege qarshi 12-qétimliq émbargosini yürgüzidu
yawropa ittipaqining rusiyege qarshi yürgüzülidighan émbargo pilan layihesi, yawropa ittipaqi komitétining 15-noyabir échilidighan yighinida élan qilinidu. yighindin kéyin, yawropa kéngishining testiqigha sunulidu.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili josép borrél rusiyege qarshi yürgüzülidighan émbargo pilan-layihe üstide toxtilip: «12-qétimliq émbargo pilanigha munasiwetlik xizmetlirimizni axirlashturmaqtimiz. pilanda, qara tizimlikning kéngeytilishi, rusiye almisini öz ichige alghan mehsulatlargha ékisport cheklimisi qoyush, néfitta baha békitishni téximu kücheytish we émbargolargha xilapliq qilishqa qarshi tedbirlerni chingitish qatarliq mesililerni öz ichige alidu» dédi.
blumbérg agéntliqi ékisport cheklimilirining suwarka mashiniliri, ximiyelik maddilar, mudapie téxnologiyeliri we yumtallar toghrisida yolgha qoyulidighan tedbirlerni öz ichige alidighanliqini xewer qilghan idi.
agéntliqning xewiride, import cheklimilirining bolsa, métallar, alyumin mehsulatliri, qatnash we toshumichiliq ishlirida qollinilidighan malzimiler bilen rusiye almisigha qoyulidighan tedbirlerni öz ichige alidighanliqi qeyt qilindi.
xewerde bildürülishiche, yawropa ittipaqi émbargolirining nishani, rusiyege qarshi yolgha qoyulghan émbargolargha üchinchi döletning xilapliq qilishining aldini élish bolup, rusiye bu döletlerdin qoral yasash üchün kérek bolidighan parchilar, téxnologiye we éléktronluq mehsulatlarni import qilalaydiken.
