israiliyening moskwada turushluq elchisi b d t gha «waqit israpchiliqi» dep baha berdi
israiliyening moskwada turushluq bash elchisi aléksandér bén siwi birleshken döletler teshkilati (b d t)ning ottura sherq kirizisini hel qilish iqtidaridin gumanlinidighanliqini ilgiri sürdi.
türkiye awazi radiyosi xewiri: israiliyelik diplomat aléksandér bén b d t gha «waqit israpchiliqi» dep baha bérip: «men b d t ning mesilimizni hel qilalaydighanliqidin gumanlinimen. chünki men b d t ning hazirghiche héchqandaq mesilini hel qilghanliqini körmidim. bu teshkilat hazirgha qeder israiliye üchün mesilini hel qilidighan héchqandaq ijabiy ish qilip baqmidi» dédi.
b d t bash katipi antoniyo gutérrés tél awiwning ghezzediki qilmishlirigha qarita qattiq pozitsiye tutup kelmekte. gutérrés israiliyeni pelestin puqralirini qirghin qilishni toxtitish we yerlik xelqqe yardem bérish üchün insanperwerlik karidori échishqa chaqirghanidi.
bu sewebtin, israiliye hökümiti gutérrésni tenqid qilmaqta, hetta uni istépa bérishke chaqirmaqta. tél awiw b d t wekillirige wiza bérishni toxtatti we b d t ning ghezzediki imaretlirinimu bombardiman qildi.
t r t ruschening xewer qilghinidek, 11-ayning 12-küni, b d t ning yéqin sherqtiki pelestinlik musapirlargha yardem bérish we mulazimet qilish orginining ghezzediki binasi israiliyening hujumigha uchrap, éghir buzghunchiliqqa uchrighanidi. b d t xizmetchiliri hujumdin 1.5 saet burun binadin ayrilghan bolghachqa, hujumning tesirige uchrimighanidi.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
