nato ukrainagha qilinidighan qoral-yaragh yardimini köpeytidu
nato bilen yawropa ittipaqi aldinqi seplerde zor qiyinchiliqqa uchrawatqan ukrainagha qoral-yaragh we oq-dora yardimini köpeytish kéreklikidin bésharet berdi.
türkiye awazi radiyosi xewiri: nato bash katipi stolténbérg bélgiye paytexti biryussélda «ukraina» küntertipide ötküzülgen yawropa ittipaqi dölet mudapie ministirliri yighinidin ilgiri muxbirlarning soallirigha jawab berdi.
u: «aldinqi seplerdiki ehwal nahayiti qiyin. bu jehettin éytqanda, ukrainani qollashni dawamlashturush we qilinidighan qoral-yaragh , oq-dora yardimi intayin muhim. chünki rusiye pirézidénti wladimir putinning ghelibe qilishigha ruxset qilalmaymiz» dédi.
yawropa ittipaqi tashqi munasiwetler we bixeterlik siyasiti aliy wekili josép borrélmu ittipaqqa eza döletlerning ukrainagha iskilatidiki oq-dorilarni yardem qilish basquchidin ötüp ketkenlikini, shunga ukrainagha yardemlerni dawamlashturush üchün qoral-yaragh, oq-dora ishlepchiqirish miqdarini köpeytish kéreklikini tekitlidi.
u qoral-yaragh, oq-dora ishlepchiqirish miqdarini köpeytish üchün hökümetler bilen sanaetchiler otturisida uchrishishlarning dawamlishiwatqanliqini, bügün (14-noyabir) ki yighinda bu mesilining muzakire qilinip, ukrainani qandaq qilghanda téximu téz sürette oq-dora bilen teminleshni kapaletke ige qilghili bolidighanliqi üstide pikir almashturulidighanliqini bildürdi.
