amérika süriyediki irangha tewe qoralliq guruppilargha hawadin hujum qildi
amérika armiye merkiziy qomandanliq ishtabi (CENTCOM) éks (x) adrésida, süriyediki iranning qollishi astidiki qoralliq guruppilarning nuqtilirini hawadin bombardiman qilghanliqini élan qildi.
türkiye awazi radiyosi xewiri: amérika armiye merkiziy qomandanliq ishtabi bayanat élan qilip, iran inqilabiy muhapizet qisimlirigha chétishliq guruppilar ishlitiwatqan süriyening ebu kamal we mayadin yéziliri etrapidiki ul-eslihelerninghawadin bombardiman qilinghanliqini bildürdi.
bayanatta, «amérika özini, xadimlirini we menpeetini qoghdashni dawamlashturidu» déyildi.
amérika dölet mudapie ministirliqining yazma bayanatida, iraq we süriyede amérika xadimlirigha qarita dawamlishiwatqan hujumlargha qarshi süriyening sherqidiki iran inqilabiy muhapizet qisimlirigha chétishliq guruppilar ishlitiwatqan ul- eslihelerge qarita hawa hujumi élip bérilghanliqi jezmleshtürüldi.
bayanatta, pachaqlap tashlanghan nishanlardin birining meshiq sahesi, yene birining panahlinish orni ikenliki eskertildi.
