qoralliq we niqabliq yehudiy köchmenler gherbiy qirghaqta ighwagerchilik qilmaqta

türkiye awazi radiyosi xewiri: ijtimaiy taratqularda tarqalghan we qattiq naraziliq qozghighan weqening körünüshliri, mektepke bésip kirgen yehudiy köchmenlerge qarshiliq körsetken bir pelestin puqrasi teripidin singha élindi.

resimler we körünüshlerni hembehrligen israiliye heq - hoquq teshkilati yésh din yüzige maska taqap, qolida amérikada yasalghan M16 tipliq aptomatlarni kötürüshüwalghan hemde herbiy forma kiyiwalghan ikki yehudiy köchmenning alxelilge qarashliq mésafir yatta rayonidiki tuwani mektipige bésip kirgenlikini bildürdi.

körünüshlerde, mekteptiki qoralsiz pelestinlikning pelestin bayriqini binadin étip tashlimaqchi bolghan yehudiy köchmenlerge baturluq bilen qarshiliq körsetkenliki we ularni mekteptin qoghlap chiqarghanliqi körinidu. qoralliq yehudiy köchmenler israiliye eskerliri kelgendin kéyin mekteptin ayrilidu.

yene bir tereptin, pelestin tashqi ishlar ministirliqi gherbiy qirghaqta israiliyelik ishghalchilarning pelestinliklerge qaratqan ighwagerchilikining küchiyiwatqanliqi terepke hemmining diqqitini tartti.

ministirliqning bayanatida, bu ighwagerchilikke israiliye bash ministiri bényamin nétanyahu we ongchil dölet bixeterlik ministiri itamar bén-gwirning jawabkar ikenliki tekitlendi.

bayanatta, xelqara jemiyetke ighwagerchilikni toxtitish üchün heriketke ötüsh chaqiriq qilindi.