shifa doxturxanisidiki doxturlar dunyagha nale qildi

türkiye awazi radyosi xewiri: fadiya malxis israiliye qisimlirining doxturxanidin qéchip chiqiwatqanlarnimu oqqa tutqanliqini bildürüp, «bizni qutuldurunglar! bu urushni toxtitinglar! bolmisa bizmu ölimiz» dégen sözliri bilen dunyagha chaqiriiq élan qildi.

malxis doxturxanida tok yoqliqini, éghir késeller bölümidiki inkubatordiki bowaqlarning ehwalining intayin xeterlik halgha yetkenlikini bildürüp, «éghir késeller ichide 60 bowaq bar, ularning 39 nepiri oksiginge baghlaghliq. chüshtin kéyin bir bowaq qaza qildi. bular keyni-keynidin ölüp kétidighan boldi» dédi.

fadiya malxis israiliye qisimlirining doxturxana rayonini qorshiwalghanliqini bildürüp, «bular doxturxanidin chiqmaqchi bolghanlarni oqqa tutiwatidu. diturxana bölümliri arisida heriket qilghanlarnimu étip öltürmekte. baghchida jiddi qutquzush bölümi aldida nurghun kishi shéhit qilindi. ehwal intayin chataq we xewp teswirligüsiz derijide» dédi.

fadiya malxis ilgiri doxturxanida (we mektep hoylisida panahlanghan) 60 ming kishining barliqini bildürgen bolup, israiliyening yéqinqi 2 künde shifa doxturxanisini qattiq bombardiman qilghanliqini hemde bimarlar, doxturlar, sistiralar we doxturxana xadimlirinimu öz ichige alghan  texminen 17 minggha yéqin kishining hazirmu doxturxanida ikenlikini éytti.

fadiya malxis bezi kishilerning doxturxanidin qachalighanliqini, nurghun kishilerning yolda öltürülgenlikini tekitlep, «susiz, tok we yémekliksiz türmige oxshaydu. baghchida 100 din artuq shéhit bar. shéhitlerni doxturxana baghchisigha depne qilmaqchi bolghanlarnimu étip öltürdi. doxturxana baghchisi shéhitler bilen toldi. beziler doxturxanidin qéchishqa tirishti emma ularnimu étp öltürdi» dédi.

israiliye tankilirining doxturxanining béghichisida ikenlikini tekitligen malxis dunyani chaqiriq élan qilip:

«arimizda bir métirmu musape yoq, israiliye tankiliri ishik aldidila turidu. kim chaqsa shuni étip öltürmekte, urush ayropilani bilenmu étip öltümekte. ular shifa doxturxanisini qorshiwaldi. intérnét ulinishi yoq. bizni qutuldurup qélinglar! bu urushni toxtitinglar! bolmisa bizmu ölimiz. hemme yerde ölükler bar. bizni qutuldurunglar!  ehwal intayin nachar» dédi.