ereb elliri ittipaqi bilen islam hemkarliq teshkilati bashliqlar yighinliri birleshtürülidu
seudi erebistan ghezzediki özgirishler muzakire qilinidighan bügünki ereb elliri ittipaqi we islam hemkarliq teshkilati pewquladde bashliqlar yighinining riyadqa birleshtürülüp échilidighanliqini uqturdi.
türkiye awazi radiyosi xewiri: seudi erebistan tashqi ishlar ministirliqi bayanat élan qilip, ereb elliri ittipaqi we islam hemkarliq teshkilati pewquladde bashliqlar yighinlirining «pewquladde ereb-islam bashliqlar yighini» dégen nam astida birleshtürülüp échilishining qarar qilinghanliqini bildürdi.
bu qararning ghezze we pelestin zéminliri shahit boluwatqan misli körülmigen tiragédiyelerge qarshi ortaq pozitsiye bildürüsh hemde ereb we islam döletlirining iradisini namayan qilish üchün, ereb elliri ittipaqi bilen islam hemkarliq teshkilatining kéngishishi netijiside chiqirilghanliqi tekitlendi.
pelestin bilen seudi erebistan bir qanche kün ilgiri ghezze mesilisi toghrisida bashliqlar derijilik ereb elliri ittipaqi pewquladde bashliqlar yighini chaqirishni telep qilghan, arqidin seudi erebistan islam hemkarliq teshkilatighimu mushuninggha oxshash bir yighin échishni teklip qilghanidi.
