israiliye: süriyede bir teshkilatqa zerbe berduq
israiliye armiyesi tönügün (9-noyabir) bu döletning jenubidiki éylat shehirige uchquchisiz hawa apparati bilen qilinghan hujumgha jawab qayturush üchün süriyediki bir «teshkilat» qa zerbe bergenlikini bildürdi.
türkiye awazi radiyosi xewiri: israiliye armiyesi teripidin élan qilinghan yazma bayanatta bildürüshiche, israiliyening jenubidiki qizil déngiz boyigha jaylashqan éylat shehiridiki bir mektep uchquchisiz hawa apparatining hujumigha uchrighan. israiliye armiyesi buninggha jawaben «süriyediki bir teshkilat» qa zerbe bergen.
bayanatta, éylat shehirige qilinghan hujumning jawabkarining süriye hakimiyiti ikenliki, israiliye armiyesining bundaq urunushlargha «qattiq inkas qayturidighanliqi» bildürülgen.
israiliye armiyesi we saqchiliri, tünügün eylat shehiride bir uchquchisiz hawa apparatining chüshüp ketkenlikini uqturghanidi.
bir mektepke soqulup kétip, mektepning éghir ziyangha uchrishigha seweb bolghan bu uchquchisiz hawa apparatining tesadipiy yaki hujum netijiside chüshüp ketkenliki heqqide héchqandaq melumat bérilmigenidi.
مۇناسىۋەتلىك خەۋەرلەر
iraqtiki bir tebiiy gaz meydani hujumgha uchridi
iraqning sulaymaniye shehiridiki kor-mor tebiiy gazliq uchquchisiz hawa apparati hujumigha uchridi.