ismail haniye israiliyening ghezzediki 3 doxturxanigha qilghan hujumi üstide toxtaldi
hamas siyasiy béyrusi bashliqi ismail haniye israiliyening muhasire astidiki ghezzening 3 doxturxanisigha qilghan hujumigha naraziliq bildürüp, amérikaning qollishi bilen israiliyening xelqara qanunlargha cheng échiwatqanliqini tekitlidi.
türkiye awazi radyosi xewiri: ismail haniye yazma bayanatida israiliyening ghezzediki «doxturxanilargha sistémiliq hujum qilghanliqi» ni eyiblidi.
ismail haniye israiliye qisimlirining ghezzediki shifa doxturxanisi, quddus doxturxanisi we hindonéziye doxturxanisigha qilghan hujumi heqqide toxtilip, «bu qirghinchiliqlar ishghaliyetchi israiliyening shundaqla quruqluq qisimlirining ichidin chiqqili bolmaydighan patqaqqa patqanliqini körsitip béridu» dédi.
hamas rehbiri ismail haniye ghezzege hujum qilghan israiliye qisimlirining «arqimu arqidin qarshiliq körsitish herikitining hujumriigha» uchrighanliqini eskertti:
ismail haniye yene mundaq dédi: «bu wehshiylikning amérika tashqi ishlar ministiri antoniy billinkénning israiliyede ziyarette boluwatqan waqtigha toghra kelgenliki, amérikining israiliyening ishghaliyitige yéshil chiragh yéqip bergenliki we ochuq ashkara qollighanliqining netijisi bolghain bashqa yene, barliq insaniy qimmet qarashlargha we xelqara qanunlargha urush achqanliqidur».
ismail haniye misirni ghezzediki qérindashlirigha qarita mesuliyetlirini ada qilish üchün rafah chégra éghizini toluq échishqa chaqirdi hemde ereb - islam dunyasinimu «ghezep – nepritini tilgha élishni dawamlashturush» qa chaqiriq qildi.
