péntagon urush toxtitishni qollimaydighanliqini élan qildi

türkiye awazi radiyosi xewiri: amérika dölet mudapie ministirliqi bayanatchisi général pat raydér (Pat Ryder) axbarat élan qilish yighinida, muxbirlarning soallirigha jawab berdi.

u ghezzediki toqunushlar üstide toxtilip, «hamasning qayta eslige kélishi üchün waqitni qolgha keltüridighan we isirailiye puqraliri bilen bashqilarni xeterge ittiridighan urush toxtitishni qollimaymiz» dédi.

u sözini dawamlashturup mundaq dédi:

«men pirézidént jo baydinning ghezze rayonigha insanperwerlik yardimi yetküzüshni, tutqunlar we bashqa puqralarning qutquzulushini kapaletke ige qilish üchün insanperwerlik nuqtisidin urush toxtitishni qollighanliqini anglidim. dölet mudapie ministiri ostinmu kesipdashliri bilen körüshkende, rayondiki pelestin puqralirigha insanperwerlik yardimi yetküzüshni muzakire qilghanliqini bildürdi.»

aqsaray dölet bixeterlik meslihetchisi jék sulliwan: «urushni her qandaq shekilde toxtitish, hamasqa paydiliq. bu bir emeliyet. bu yerde nurghun murekkep ehwallar bar. insanperwerlik nuqtisidin urush toxtitish, tutqunlarning qoyup bérilishi üchün yaxshi bolatti. emma, hamasningmu buningdin paydilnidighanliqini bilishimiz kérek» dégen idi.

hamasning herbiy qaniti qassam birigadiliri 7-öktebir (2023) de israiliyege «eqsa topani» namliq keng kölemlik hujum qozghighanliqini élan qilghan we buninggha qarita israiliyemu urush ayropilanliri bilen ghezze rayonigha qarshi «tömür qilich herikiti» ni bashlighanliqini jakarlighan idi.

künséri keskinleshken toqunushlarda, her ikki tereptin minglarche kishi jénidin ayrildi.