qassam birigadiliri: isirailiyening esirlerni qutquzushigha 20 yil kétidu

türkiye awazi radiyosi xewiri: qassam birigadiliri bayanatchisi ebu ubeyde tarqatqan widéosida, isirailiyening qorshawi astidiki ghezzede tutup turuluwatqan isirailiyelik we chet ellik esirler toghrisida melumat berdi.

u oxshimighan döletlerdin kelgen telepler boyiche qolliridiki bezi chet ellik esirlerni ghezzede tutup turushni xalimighanliqliri üchün pat yéqinda qoyup béridighanliqlirini wastichilargha uqturghanliqini bildürüp: «biz ularni ghezzede tutup turushqa éhtiyajliq emes» dédi.

u isirailiyening bir eskirini quruqluq herikiti bilen qutquzghanliqi toghrisidiki bayanati üstide toxtilip: «isirailiyening qassam birigadiliri tutup turuwatqan esirlerni tépishi mumkin emes» dédi we buning ghezzede bashqa guruppilar yaki shexslerning qolidiki esirlerdin biri bolushi mumkinlikini qeyt qildi.

u: «eger bash ministir nétanyahu bir esirni bir ayliq urushtin kéyin qutquzulghanliqi toghrisida maxtansa we buni tebriklise, ghezzediki qalghan esirlerni bu usul bilen qutquzushigha 20 yil kétidu» dédi.

u nétanyahuning ghezzede duch kélidighan meghlubiyet bilen siyasiy kélechikining axirlishidighanliqini tekitlep: «bu ishghaliyetchilerning aqiwiti üchün bashlanghuch bolidu» dédi.

isirailiye armiyesi ghezzege quruqluqtin kirishni bashlighan kündin buyan isirailiyening 22 herbiy aptomobilining pachaqlap tashlighanliqlirini, qassam birigadiliri ezalirining isirailiye küchliri bilen urush qilip, éghir ziyan salghanliqini bildürdi.

u isirailiye armiyesidin mudapielinish herikitining dawamlishidighanliqini, bu heriketlerning téxi bashlanghuch ikenlikini tekitlep: «ghezze düshmenning maziri bolidu» dédi.

u axirida, yéqinqi künlerde ghezze déngiz tewelikide tunji qétim ishlitilgen torpidalar bilen déngizdiki bezi nuqtilargha hujum teshkillengenlikini sözlirige ilawe qildi.

hamasning herbiy qaniti qassam birigadiliri 7-öktebir (2023) de israiliyege «eqsa topani» namliq keng kölemlik hujum qozghighanliqini élan qilghan we buninggha qarshi israiliye armiyesimu urush ayropilanliri bilen ghezze rayonigha qarshi «tömür qilich» herikitini bashlighanliqini jakarlighan idi.

künséri keskinlishiwatqan toqunushlarda, ikki tereptin minglighan kishi jénidin ayrildi.