meshal: isirailiyening quruqluq herikiti yéqinlap qaldi

türkiye awazi radiyosi xewiri: hamasning chet el ishliri mesuli  xalid meshal bir top yashlar bilen reqemlik supida ötküzgen yighinda, hamasning qoralliq qaniti qassam birigadilirining 7-öktebir (2023) etigende «eqsa topani» namida israiliyege qarshi bashlighan keng kölemlik hujumliri we kéyinki tereqqiyatlar üstide toxtaldi.

u quruqluq urushining yéqinlap qalghanliqini we nahayiti xeterlik basquchqa qedem qoyghanliqini eskertip, amérikaning ziyanni eng töwenge chüshürüsh üchün 7-öktebirdiki hamasning hujumidin kéyin, mushuninggha oxshaydighan ikkinchi bir hujumning yüz bérishining aldini élish meqsitide keng dairelik pilan tüzgenlikini bildürdi.

u: «isirailiye bash ministiri nétanyahu ghelibe qilmighiche urushni toxtatmaydu, u chiriklik bilen eyiblinishke duch kélidu, shunga urush uning üchün éytqanda ichki kirizis peyda qilidu. urush seperwerliki élan qilghan bolsimu, téxi ghelibe yoq. hazir esirlerning qoyup bérilishi, chégra éghizlirining échilishi, taratqularda hujum nishani qilish dolqunining azaytilishi toghrisida uchrishishlar ötküzülüwatidu» dédi.

hamasning herbiy qaniti bolghan qassam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha kirgenidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

künséri keskinleshken toqunushlarda, her ikki tereptin minglarche kishi jénidin ayrildi.