israiliyening demeshiq we heleb xelqara ayrodurumlirigha hujum qilghanliqi jezimleshti
beshsharesed hökümiti israiliyening paytext demeshiq we heleb ölkisidiki xelqara ayrodurumlargha hawadin hujum qilghanliqini bildürdi.
türkiye awazi radyosi xewiri: beshshar esed hökümitining sana (SANA) xewer agéntliqining herbiy menbelerni asasas qilghan xewiride, israiliyening shu yer waqti etigen saet 05:25 ötkende lazqiyening gherbidin, aqdéngiz arqiliq golan égizliki teripidin demeshiq we helebtiki xelqara ayrodurumlargha rakétamiyot bilen hujum qilghanliqi bildürüldi.
xewerde, demeshiq ayrodurumigha qilinghan hujumda bir puqraning jénidin ayrilghanliqi tekitlinip, «bu hujum her ikki ayrodurumning uchush yoligha ziyal saldi, uchush yolining xizmettin toxtitilishigha seweb boldi» déyildi.
hamasning qoralliq qaniti izzdin elqassam birigadiliri 7-öktebir (2023) etigende israiliyege «eqsa topani» namliq keng kölemlik hujum bashlighandin kéyin, israiliye qisimliri 12-we 15-öktebirdimu demeshiq we helebtiki xelqara ayrodurumlargha hujum qilghan idi.
israiliye süriyede ichki urush bashlanghan 2011-yilidin buyan süriyediki iran qollawatqan guruppilargha we süriye armiyesige tewe herbiy nuqtilargha pat-pat hujum qilip kelmekte.
