ghezzediki toqunushlarda 16 zhurnalist öltürüldi
xelqara zhurnalistlar birleshmisi (IFJ) israiliye- pelestin toqunushi bashlanghan 7- öktebirdin buyan ghezzede 16 muxbirning qaza qilghanliqini élan qildi.
türkiye awazi radiyosi xewiri: xelqara zhurnalistlar birleshmisining intérnét sehipiside élan qilinghan yazma bayanattiki öltürülgen zhurnalistlarning sanigha özgertish kirgüzüldi.
bayanatta «dawamlishiwatqan toqunushlarda hazirghiche 16 muxbirning öltürülgenliki, nurghun muxbirning yarilanghanliqi we yoqap ketkenliki» qeyt qilindi.
bayanatta yene, bir zhurnalist bilen fotograf muxbirining iz – dérikining yoqluqi eskertildi.
xelqara zhurnalistlar birleshmisi yene, toqunush saheside wezipe ötewatqan zhurnalistlarni «zörür bolghan aldini élish tedbirlirini qollinishqa, bixeterlik üskünilirini taqashqa we özliri ishlewatqan axbarat organliri bu üsküniler bilen teminlimisila, toqunush meydanigha kirmeslikke» chaqirdi.
birleshmining ilgiriki bayanatida, israiliyening hujumlirida 13 muxbirning qaza qilghanliqi bildürülgenidi.
