baydin isirailiye we ukrainani qollash üchün kongredin xamchot telep qilidu

türkiye awazi radiyosi xewiri: amérika pirézidénti jo baydin pirézidéntliq ishxanisida xelqqe xitab qilip nutuq sözlidi.

u amérika kongresidin telep qilidighan xamchotning isirailiyening bixeterliki üchün bérilgen wedini buningdin ilgiri körülüp baqmighan derijide ispatlaydighanliqini bildürüp: «bu aqilanilik bilen sélinidighan meblegh bolup, amérikaning  bixeterlikige ewladmu ewlad nep yetküzidu »dédi.

u kongrening meblegh ajritishini telep qilghan «bixeterlik teklip layihesi» ning israiliyening herbiy ewzellikini kücheytidighanliqini eskertip mundaq dédi: «biz rayondiki bashqa düshmen küchlerning israiliyening ilgirikidin téximu küchlük ikenlikini körüshini kapaletke ige qilip, toqunushning kéngiyip kétishining aldini alimiz» dédi.

u sözini mundaq dawamlashturdi:

«biz hamasqa oxshash térrorchilarning we rusiye pirézidénti wladimir putingha oxshash mustebitlerning ghelibe qilishigha yol qoymaymiz, men buninggha yol qoymaymen» dédi.

u isirailiye ziyariti toghrisidimu toxtaldi we mundaq dédi:

«amérika hamas teripidin görüde tutuluwatqan amérikaliqlarning bixeterlikige aldin ehmiyet béridu. tinchliqtin waz kechmeymiz, mesilini ikki döletlik hel qilish charesidin ayrilmaymiz.»

u «ghezzediki doxturxanida yüz bergen partlash» tin chongqur qayghurghanliqlirini eskertti we buning isirailiyelikler teripidin qilinmighanliqini qayta tekitlidi.

u isirailiye bash ministiri nétanyahu bilen «isirailiyening urush qaidelirige uyghun» heriket qilishi kérekliki mesilisinimu muzakire qilghanliqini bildürüp: «bu, toqunushta imkanqeder puqralarni qoghdash menisini bildüridu» dédi.

u yene, aldinqi hepte amérikada alte yashliq bir musulman balining öltürülgenlikige inkas qayturup mundaq dédi: «bu ishlar yüz bergende biz süküt qilalmaymiz, biz yehudiylar we islam öchmenlikini ochuq ret qilishimiz kérek» dep tekitlidi.