nyu york waqti géziti doxturxana qirghinchiliqini burmilashqa urundi
amérikaning «nyu york waqti géziti» ning ghezzediki doxturxana qirghinchiliqining jawabkari israiliyeni aqlashqa urunush tirishchanliqi kishilerning diqqitini qozghidi.
türkiye awazi radiyosi xewiri: qirghinchiliqning deslepki minutlirida «israiliyening doxturxanigha qilghan hujumida yüzligen adem qaza qildi» dégen mawzuda xewer tarqatqan «nyu york waqtiy géziti» ning, uzun ötmeyla xewerning mawzusini weqening jawabkari israiliyening ismini chiqiriwétip, «ghezzediki doxturxanigha qilinghan hujumda kem dégende 500 adem öldi» dep özgertishi oqurmenlerning diqqitini qozghidi.
emma, gézitning xewerge bunchilik özgertish kirgüzüshi kupaye qilmidi. xewerning mawzusigha qayta özgertish kirgüzgen gézit, bu qétim «hujum» sözining ornigha «partlash» ibarisini ishletti. shuning bilen, xewerning mawzosi «ghezzediki doxturxanida yüz bergen partlashta kem dégende 500 adem qaza qildi» gha özgergen boldi.
xewerning témisigha kirgüzülgen qisqa waqit ichidiki bu özgertishler arqiliq, israiliye sadir qilghan qirghinchiliq kélip chiqishi namelum bir partlash netijiside yüz bergendek qilip körsitildi.
nyu york waqti gézitining bu weqeni burmilashqa urunushi tézla bayqilip qaldi. ijtimaiy taratqularda gézitning qirghinchiliqning jawabkari israiliyeni aqlashqa urunushi küchlük naraziliq peyda qildi.
israiliye aldinqi küni (2023-yili 17-öktebir) kechte ghezzening merkizidiki ehehli babtist doxturxanisini bombardiman qilghan qirghinchiliqta, 471 puqra jénidin ayrilghanidi.
