aq déngizda amérika bayriqining lepildishining qandaq menige kélidighanliqini hemmeylen bilidu
israiliye dölet mudapie ministiri yow gallant: «aq déngizda amérika bayriqining lepildishining qandaq menige kélidighanliqini hemmeylen bilidu» dédi.
türkiye awazi radyosi xewiri: israiliye dölet mudapie ministiri yow galant «bu uzun we bedili éghir urush bolidu, emma biz ghelibe qilimiz» dédi.
yow gallant bir hepte ichide ikkinchi qétim tél awiwgha kelgen amérika tashqi ishlar ministiri antoniy blinkén bilen ötküzgen urush kabinéti yighinidin kéyin bayanat élan qildi.
yow gallant amérikaning hem daim yaxshi ittipaqdash ikenlikini bilidighanliqini, emma bügün israiliye we pütün dunyaning buni öz közi bilen körgenlikini telgha aldi.
yow gallant billinkén we washingtondin bashqa yuqiri derijilik shexslerningmu israiliyeni ziyaret qilghanliqini tekitlep: «hemmeylen aq déngizda amérika bayriqining lepildishining qandaq menige kélidghanliqini bilidu» dédi we «bu uzun we bedili éghir urush bolidu, emma biz ghelibe qilimiz» déeenlerni tekitlidi.
hamasning herbiy qaniti qasssam birigadisi 7-öktebirde israiliyege «aqsa tufani» namliq keng kölemlik hujum bashlighanliqini élan qilghan we ghezzedin israiliyege minglighan rakétamiyot atqandin bashqa yene, qoralliq guruppilar rayondiki olturaq rayonlargha bésip kirgen idi.
israiliye qisimlirimu urush ayropilani bilen ghezze rayonigha qarshi «tömür qilich» herikitini bashlighanliqini élan qilghan idi.
künséri keskinlishiwatqan toqunushta her ikki tereptin minglighan kishi jénidin ayrildi.
