iran israiliyege tehdit saldi
iran israiliyening ghezzediki herikiti dawamlashqan teqdirde, öziningmu urushqa arilishidighanliqi bilen israiliyege tehdit saldi.
türkiye awazi radyosi xewiri: amérika xewer tori «Axios» ning ismini ashkarilashni xalimaydighan diplomatik menbelerni asas qilghan xewirige qarighanda, iran tashqi ishlar ministiri hüseyin emir abdullahyan birleshken döletler teshkilati ottura sherq tinchliq musapisi alahide maslashturghuchisi tor wénnésland bilen liwanda ötküzgen uchrishishida, iranning israiliye -hamas jiddiychiliki toghrisidiki uchurini yetküzgen.
abdullahyan toqunushning rayon xaraktérlik bir urushqa aylinip kétishini xalimaydighanliqini we ghezzede hamas teripidin görüge élinghan israiliyeliklerning qoyup bérilishige yardem qilalaydighanliqini éytqan.
abdullahyan öz dölitining «qizil siziqi» barliqini eskertip, b d t emeldarigha: «eger israiliyening hujumliri dawamlishiwéridighan bolsa, bolupmu ghezzege quruqluq hujumi élip barsa, iran buninggha jawab qayturushqa mejbur bolidu» dégenlerni tekitligen.
wénnéslandmu israiliye dölet bixeterlik meslihetchisi tizachi hanégbi qatarliq israiliye emeldarliri bilen alaqiliship, iranning uchurini tél awiwgha yetküzgen.
