wénézuéla ghezzege insanperwerlik yardimi ewetidu
xelqarada ghezzege insanperwerlik yardemliri ewetish üchün diplomatik tirishchanliqlar qanat yaymaqta.
türkiye awazi radiyosi xewiri: pelestin dölet reisi mehmut abbas wénézuéla pirézidénti nikolas maduro bilen téléfonda körüshti. körüshüshte, ghezze xelqining mejburiy köchürülüshige qarshi turidighanliqini bildürüp: «isirailiye ghezzege hujum qilishni derhal toxtitishi, insanperwerlik yardem karidorining échilishigha ruxset qilishi kérek» dédi.
wénézuéla pirézidénti nikolas maduro ghezzede 30 tonnadin artuq insanperwerlik yardimi ewetishni qarar qilghanliqlirini bildürdi.
iyordaniye padishahi 2-abdullah ereb birleshme xelipiliki emiri elnahyan, ispaniye padishahi 6-félipé bilen téléfonda körüshti.
padishah abdullah ereb birleshme xelipiliki emiri elnahyan bilen körüshkende, ghezediki urushni toxtitish üchün xelqaraliq pozitsiyening otturigha qoyulushini, puqralarning qoghdilishi we xelqaraliq kishilik hoquqqa hörmet qilish üchün körsitiliwatqan tirishchanliqlarni téximu kücheytishning intayin muhimliqini tekitlidi.
u ispaniye padishahi 6-félipé bilen körüshkende, ghezzege tibbiy we insanperwerlik yardemlirini yetküzüsh üchün zor tirishchanliq körsitishni muzakire qildi.
