gherb rehberliri israiliyeni qollap birleshme bayanname élan qildi

türkiye awazi radiyosi xewiri: amérika qoshma ishtatliri pirézidénti jo baydin, firansiye pirézidénti émmanuél makron, gérmaniye bash ministiri olaf sholz, italiye bash ministiri giorgiya méloni we  engiliye bash weziri rishi sunak qatarliq gherb rehberliri israiliye-pelestin toqunushigha  hel qilish charisi tépish meqsitide körüshkendin kéyin, birleshme bayanname élan qildi.

birleshme bayannamede, rehberlerning israiliyeni qetiy qollaydighanliqi, hamasni qetiy eyibleydighanliqi bayan qilindi. shundaqla rehberlerning israiliyening özini we xelqini qoghdash tirishchanliqlirini qollaydighanliqi, bu döletke düshmen bolghan herqandaq bir terepning  bu hujumlarni ewzellik süpitide ishlishige qarshi ikenliki tekitlinip mundaq déyildi:

«aldimizdiki künlerde, biz israiliyening özini qoghdiyalishigha kapaletlik qilish, axirida weziyiti tinch, bir gewdileshken ottura sherq rayoni berpa qilishning zéminini hazirlash meqsitide  ittipaqdash döletler we israiliyening  dostliri bolush süpitimiz bilen, bir gewde we hoquqta barawerlik asasida heriket qilimiz.»

hamasning herbiy qaniti bolghan qessam qisimliri shenbe küni israiliyege «aqsa topani» namliq keng kölemlik hujum qozghighanliqlirini uqturghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha kirgenidi.

israiliye armiyesi bolsa urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

igilinishiche, israiliye armiyesining ghezze rayoni we iyordan deryasining gherbiy qirghiqida élip barghan hujumlirida hazirghiche 704 kishi qaza qilghan we texminen 4000 kishi yarilanghan.

qamal astidiki ghezze rayonidin élip bérilghan hujumlarda  qaza qilghan israiliyeliklerning sani 900 din éship ketken, 157 nepiri éghir 2616 israiliyelik yarilanghan.