blinkén nigérning texttin chüshürülgen pirézidénti bilen körüshti

türkiye awazi radiyosi xewiri: amérika tashqi ishlar ministiri antoni blinkén pirézidént baydin hökümitining nigérdiki weqelerni «herbiy özgirish» dep élan qilishqa teyyarliq qiliwatqanliqi toghrisida xewerler tarqalghandin kéyin, nigériyening texttin chüshürülgen pirézidénti muhemmed bazum bilen téléfonda körüshti.

amérika tashqi ishlar ministirliqining bayanatchisi matéw millér (Matthew Miller)  ning bayanatida bildürülishiche, antoni blinkén körüshüshte «démokratiyening ehmiyiti» ni tekitligen.

u amérikaning nigérde armiye hakimiyetni tartiwalghandin kéyin, adaletsizlerche qolgha élinghanlarning derhal qoyup bérilishini chaqiriq qildi.

amérika taratquliri baydin hökümitining 26-iyul (2023) nigérda armiyening hakimiyetni tartiwalghanliqini «herbiy özgirish» dep atash qararini chiqirish üchün teyyarliq qiliwatqanliqini xewer qilghan idi.

amérikaning nigérning afriqa déngiz qirghaqliri rayonlirida térrorluqqa qarshi körsitiwatqan tirishchanliqlarda muhim rol oynighanliqi sewebidin, nigérdiki weqelerni «herbiy özgirish» dep atashni kéchiktürüwatqanliqi ilgiri sürülmekte idi.

nigér pirézidénti muhemmed bazum 26-iyul pirézidéntliq mehkimisining muhapizetchi bataliyoni teripidin nezerbent astigha élinghan we shu küni axshimi armiye özgirish qozghighan idi.

pirézidéntliq mehkimisi muhapizetchi bataliyonining qomandani général abdurrahmané tchyani 28-iyul herbiy puqralardin terkib tapqan 21 kishilik ichki kabéntning qurghanliqini jakarlighan idi.