hérzog: bundaq bir urushning közni yumup achquche axirlishishi mumkin emes
israiliye pirézidénti ishaq hérzog özlirini qiyin künlerning kütüwatqanliqini, keng kölemlik bir urushning közni yumup achquche bolghan ariliqta axirlishishining mumkin emeslikini éytti.
türkiye awazi radiyosi xewiri: hérzog ghezzedin israiliyege qilinghan hujumlar heqqide xelqke xitab qildi.
u israiliyening nöwette musheqqetlik künlerni bashtin kechürüwatqanliqini, eslide buning keng kölemlik urushning bir paéchisi ikenlikini tekitlep mundaq dédi: «bundaq bir urushning közni yumup achquche bolghan ariliqta axirlishishi mumkin emes. düshmenlirimiz psixologiyelik jehettin nahayiti zor tirishchanliq körsetmekte. jümlidin ular tor hujumlirini élip barmaqta, yalghan körünüshlerni tarqatmaqta we yalghan doklatlarni élan qilmaqta. ularning asasliq nishani bizge nisbeten qorqunch we endishe peyda qilishtur».
«israiliye dölitining muweppeqiyet qazinishtin bashqa amalining yoqluqi qilche munazire telep qilmaydighan heqiqettur.»
hérzog israiliye xelqidin rahet – paraghetke bérilip ketmeslikini telep qilip mundaq dédi: «chünki bizni musheqqetlik künler kütmekte. shunga hemmeylen düshmenge qarshi bir gewde halitide heriket qilishi, goya bir mushttek inaq-ittipaqliqni körsitishi lazim.»
