2023 - yilliq nobél tinchliq mukapati nargés muhemmedige bérildi

türkiye awazi radiyosi xewiri: norwégiye nobél komitéti bayanat élan qilip, nobil tinchliq mukapatining nargés muhemmedige «irandiki zulumgha uchrighan ayallar üchün qilghan kürishi» sewebidin bérilgenlikini uqturdi.

bayanatta, bu mukapatqa érishken nargés muhemmedining «hemme adem üchün kishilik hoquq we erkinlikni ilgiri sürüsh yolida küresh qilghanliqi» tekitlendi.

nargés muhemmedining «jasaretlik kishilik hoquq kürishining éghir bedellirini töligenliki»ge isharet qilinghan bayanatta, uning iranda 13 qétim nazaret astigha élinghanliqi, besh qétim üstidin höküm élan qilinghanliqi we axirida 31 yilliq qamaq jazasigha höküm qilinghanliqi qeyt qilindi.

nargés muhemmedining «ayal, kishilik hoquq qoghdighuchi we erkinlik jengchisi» ikenliki tekitlengen bayanatta, uning ayallarning «sistémiliq kemsitish we zulumgha uchrishi»gha qarshi küresh qilish bilen birge, izzet –hörmet bilen yashash hoquqini, shundaqla pikir erkinliki we musteqilliq hoquqini qolgha keltürüsh üchünmu küresh qilghanliqi otturigha qoyuldi.