amérika-yaponiye herbiy hemkarliqi künséri kücheymekte
yaponiye dölet mudapie weziri kixara minoru amérikada yasalghan tomaxawk (Tomahawk) bashqurulidighan bombilirini pilan qilinghandin bir yil burun tapshurup alidighanliqlirini élan qildi.
türkiye awazi radiyosi xewiri: yaponiye dölet mudapie weziri kixara minoru washington ziyaritide amérika dölet mudapie ministiri loyd ostin bilen körüshüp, birlikte ikki dölet munasiwetliri, rayon weziyiti, hindi-tinch okyanning hazirqi mewjut halitini qoghdash we yaponiye-amérika armiyelirining kelgüsidiki yillarda rayonda aldin ehmiyet béridighan xizmetliri qatarliq mesililerni muzakire qildi.
bash wezir kixara körüshüshte, ikki terepning weziyetni kontrol qilish iqtidarini kücheytishni we hindi-tinch okyanning nöwettiki weziyitini zorluq küch bilen özgertish urunushigha qarshi chiqish kéreklikini tekitlidi.
amérika dölet mudapie ministiri ostin ikki dölet otturisidiki istratégiyelik maslishishchanliqning örnikining yoqluqini bildürdi.
kixara körüshüshtin kéyin muxbirlarning ziyaritini qobul qilghanda, amérikada yasalghan «tomaxawk» namliq bashqurulidighan bombilarni pilan qilinghandin bir yil burun, yeni 2025-yili tapshurup alidighanliqlirini éytti.
yaponiye amérikadin musapisi 1600 kilométirgha yétidighan 400 dane «tomaxawk» bombisini sétiwélip, 2026-yili déngiz armiyesining paraxotlirigha sepleshni pilan qilmaqta idi.
