wolker türk quran kerimge qilinghan hörmetsizliklerge naraziliq bildürdi
birleshken döletler teshkilati(b d t)kishilik hoquq aliy komissari wolker türk quran kerimge qilinghan hörmetsizlik qilish we uni köydürüsh qilmishlirini,bolupmu zorawanliq we bölünüshke élip baridighan qutratquluq qilmishlirini ret qilidighanliqlirini bildürdi.
türkiye awazi radiyosi xewiri: b d t kishilik hoquq aliy komisari wolker türk, b d t kishilik hoquq kéngishining 54- qétimliq yighini dairiside ötküzülgen «kemsitish, düshmenlik yaki zorawanliqni keltürüp chiqiridighan diniy öchmenlikning tüp sewebi we uning kishilik hoquqqa körsitidighan tesiri» témiliq söhbet yighinida söz qildi.
kishilik hoquq kéngishining 7- ayda quran kerimge qilinghan hujumlar heqqide mexsus jiddiy yighin chaqirghanliqini eskertken komissar wolker türk, shuningdin kéyin, bezi döletlerde quran kerimni ammigha ochuq jaylarda köydürüsh qilmishlirining dawamlashqanliqini qeyt qildi.
b d t kishilik hoquq aliy komissari türk: «men quran kerimge qilinghan hörmetsizlik qilish, uni köydürüsh qilmishlirini, bolupmu zorawanliq we bölünüshke élip baridighan qutratquluq qilmishlirini qetiy ret qilimen» dégenlerni sözlirige ilawe qildi.
