yawropa ittipaqi türkiye bilen bolghan munasiwetni dawamlashturush istikini qayta tekitlidi
yawropa ittipaqi türkiye bilen hemkarliq we özara nep yetküzüshni asas qilidighan munasiwet sheklini saqlap qélish iradisini tekitlidi.
türkiye awazi radiyosi xewiri: yawropa ittipaqi komitéti bayanatchiliridin ana pisonéro muxbirlarni kütüwélish yighinida, jumhur reis rejep tayyip erdoghanning aldinqi künidiki bayanatliri we türkiyening yawropa ittipaqi ezaliq musapisi toghrisidiki soallargha jawab berdi.
türkiye bilen özara menpeet yetküzüshni asas qilidighan munasiwetni saqlap qélishni, sherqiy aqdéngizda muqim we bixeter muhitni qoghdashning yawropa ittipaqining menpeetige uyghun ikenlikini tilgha alghan pisonéro: «yawropa ittipaqi kishilik hoquq, qanun bilen idare qilish, xelqara qanun we rayon muqimliqigha alaqidar wedilirini chöridigen halda türkiye bilen munasiwet ornitishqa teyyar» dédi.
u yawropa ittipaqi komitétining istratégiye we kelgüsi tereqqiyat pilani dairisidiki yawropa ittipaqi- türkiye munasiwiti musapisige alaqidar doklat hazirlarsh xizmetlirining dawam qiliwatqanliqini, buning bilen birlikte, pat yéqinda, türkiyege munasiwetlik yilliq doklatningmu élan qilinidighanliqini éytti.
jumhur reis erdoghan aldinqi küni (1-öktebir) türkiye büyük milliy mejlisi 28- nöwetlik 2- qanun chiqirish yilining échilish munasiwiti bilen parlamént omumiy yighinida söz qilip: «eger (yawropa ittipaqi) noqul éghizdila qéliwatqan toluq ezaliq musapisini axirlashturmaqchi bolsa, bu ularning bilidighan ishi. biz démokratiye, adalet we erkinlik jehette, zörür tépilghanda, kopénhagén ölchimini enqere ölchimige almashturup, yolimizni dawamlashturimiz» dégenidi.
