engliye tarixidiki eng issiq séntebirni bashtin kechürdi

türkiye awazi radiyosi xewiri: engliye métérologiye idarisi (Met Office) ning istatistikiliq melumatlirigha qarighanda, bu yilning séntebir éyi dölet miqyasida körülgen otturiche 15.2 giradusluq hawa témpératurasi bilen, hawa témpératurasigha munasiwetlik xatirilesh bashlanghan 1884-yildin buyanqi eng issiq ay bolup qalghan.

engliyede bu yil (2023) ning séntebir éyida xatirilengen 16.7 giradusluq hawa témpératurasi, 2006-yili séntebirdiki 16.5 giradusluq témpératurasidin éship ketken. gallérning séntebirdiki témpératurasi 15.6 giradus bolup, 2006-yili séntebirdiki 15.2 giradusluq hawa témpératurasidin éship ketken.

shimaliy irélandiyede hazirghiche xatirilengen eng yuqiri hawa témpératurasi otturiche 14.2 giradus boldi.

shotlandiyemu 12.8 giradus bilen, hazirghiche xatirilengen eng issiq üchinchi séntebirni bashtin kechürdi.

engliyede séntebir éyining hawa témpératurasi yuqiri bolush bilen birge, höl-yighinmu otturiche hésab bilen üchtin bir hesse köp boldi.

engliyede séntebir éyida hawa témpératurasining otturiche hésab bilen 15.2 giradusqa chiqishigha, «insanlar seweb bolghan kilimat özgirishi bolmay turup mumkin emesliki» eskertildi.