amazonda yunus béliqlirining ölüki tépildi
amazon süyining bezi jaylarda 39 giradustin yuqiri bolushi sewebidin yéqinqi bir hepte ichide 100 din artuq yunus béliqining ölüki tépildi.
türkiye awazi radiyosi xewiri: amérika s n n (CNN) téléwiziyesining xewiride qeyt qilinishiche, biraziliye bilim, téxnologiye we yéngiliq yaritish ministirliqining iqtisadiy jehettin qollighan mamiraw inistituti teripidin élan qilinghan melumatta, ölük yunus béliqlirining hemmisi téfé kölidin tépilghan.
mutexessisler buning qurghaqchiliq we téfé kölining bezi jaylirida 39 giradustin éship ketken su témpératurasi bilen munasiwetlik ikenlikini bildürgen.
mesul dairiler, bir qanche hepte ichidimu yunus béliqlirining ölümige seweb bolidighan qattiq qurghaqchiliqning yüz bérishi mumkinlikini eskertti.
amazon ormanlirida yéqinqi künlerde höl-yighin yéterlik derijide yaghmidi.
biraziliyening amazon ormanliridiki qurghaqchiliqning tesirige 500 mingdin artuq kishi uchridi.
biraziliye dölet ministiri luiz inasiyo lula silwa rayongha 20 milyon dollar meblegh ajritidighanliqlirini élan qilghan idi.
