péntagon shimaliy koréye, iran, xitay we rusiyening «tehditlik derijisi»ni élan qildi
amérika dölet mudapie ministirliqi — péntagon «keng kölemlik qirghuchi qorallargha qarshi turush istratégiyesi» namliq höjjitide iran we shimaliy koréyeni «menggülük tehdit» dep atidi.
türkiye awazi radiyosi xewiri: péntagon 2014 - yilidin buyan tunji qétim «keng kölemlik qirghuchi qorallargha qarshi turush istratégiyesi» höjjitini élan qildi.
höjjette, iran bilen shimaliy koréyege «menggülük tehdit», xitaygha bolsa, «künséri küchiyiwatqan tehdit», rusiyege «ötkür tehdit» dep éniqlima bérildi.
höjjetning shimaliy koréyege munasiwetlik qismida: «iqtidarini ashurush shimaliy koréyeni toqunushning her qandaq basquchida yadro qorallirini ishlitish pursiti bilen teminleydu» déyilgen bolsa, irangha munasiwetlik qismida «iran hazirche yadro qoralliri pilanini dawamlashturmaywatidu, dep qariliwatidu, emma bu döletning ikki heptige yetmigen waqit ichide yadro qoralini tereqqiy qilduralaydighan xam eshyasi bar» dégen ibarilerge orun bérildi.
