amérika kéngesh palatasi tashqi munasiwetler komitétining bashliqliqigha bén kardin teyinlendi

türkiye awazi radiyosi xewiri: ilgiri awam palata ezasimu bolghan, 2007 – yilidin buyan kéngesh palatasi tashqi munasiwetler komitétining ezasi bolup wezipe ötewatqan mariland ishtati kéngesh palata ezasi bén kardin, bashliqliq wezipisini ötküzüwalghanliqi toghrisida bayanat élan qilip, amérikaning tashqi munasiwettiki «gépi bir yerdin chiqqinida» téximu küchiydighanliqi qarishini ilgiri sürdi we kéngesh palata tashqi munasiwetler komitétining bu jehette «aktip we ikki partiyelik» xizmet qilishi kéreklikini otturigha qoydi.

u sözini dawamlashturup: «men kishilik hoquq, chiriklikke qarshi turush we yaxshi bashqurushning amérikaning tashqi siyasitige kirishige kapaletlik qilish üchün, uzun yilliq xizmitimni dawamlashturushni pilanlawatimen. bizning aldimizda qildiighan nurghun ishimiz bar» dégenlerni qeyt qildi.

kéngesh palata ezasi kardin kéngesh palatasi tashqi munasiwetler komitéti we amérika xélsinki komitétigha rehberlik qilghandin bashqa, 2015 – yilidin buyan yawropa bixeterlik we hemkarliq teshkilati parlamént  ezaliri ansambilining yehudiylargha qarshi turush, irqchiliq we körelmeslik mesililirige qarshi turush boyiche alahide wekili bolghan.

kardin yene amérika chong qirghinchiliqi xatire kéngishining ezasi.

amérika qoshma ishtatliri kéngesh palatasi tashqi munasiwetler komitétining sabiq reisi bob ménéndéz para élish jinayiti bilen eyiblengendin kéyin, wezipisidin ayrilghanidi.