blinkén: ezerbeyjanning zémin pütünliki mesiliside bakuni qollaymiz
amérika qoshma ishtatliri diplomatiye ministiri antoni blinkén ezerbeyjanning zémin pütünlüki mesiliside bakuni qollaydighanliqlirini bildürdi.
türkiye awazi radiyosi xewiri: nyu york shehiridiki lot palis méhmanxanisida ötküzülgen muxbirlarni kütüwélish yighinida, amérika qoshma ishtatliri diplomatiye ministiri antoni blinkén bir muxbirning munu soaligha jawab berdi: «erméniye bash ministiri nikol pashinyan bilen téléfonda körüshkiningizde, amérika qoshma ishtatlirining erméniyening igilik hoquqi, musteqilliqi we zémin pütünlükini toluq qollaydighanliqini bayan qildingiz. amérika qoshma ishtatliri qarabagh qatarliq rayonlarda ezerbeyjanningningmu zémin pütünlükini eslige keltürüsh hoquqini étirap qilamdu we qollamdu?»
blinkén ezerbeyjan bilen erméniye otturisidiki qarabagh mesilisige munasiwetlik bir soalgha jawab bergende, bu hepte ezerbeyjan pirézidénti ilham eliyéw we erméniye bash ministiri nikol pashinyan bilen körüshüsh pursitige érishkenlikini, bu uchrishishlarda bu hepte rayondiki özgirishlerge qarita endishisini otturigha qoyghanliqini bayan qildi.
u amérika qoshma ishtatlirining qoral küchi ishlitishke qarshi ikenlikini, chünki buning tinchliq tirishchanliqlirigha tosalghu peyda qilidighanliqini éytti.
blinkén adil we uzaq mezgillik tinchliqning her ikki döletke zor payda élip kélidighanliqini tekitlep mundaq dédi: «chünki bundaq tinchliq üch yilliq toqunushtin kéyin tarixning yönilishini yaxshi terepke qarap yüzlendüridu.»
ministir blinkén bu mesile toghrisida terepler we yawropa ittipaqi bilen qoyuq alaqe qiliwatqanliqlirini, yéqinqi 24 saet ichide ezerbeyjan we qarabaghdiki ermenlirining wekilliri otturisidiki uchrishishlar, söhbetler we diplomatik paaliyetlerning muhimliqini tekitlep mundaq dédi: «hemme terepning igilik hoquqi, zémin pütünlüki we musteqilliqini qollaymiz.»
