b d t: islahat éhtiyaji ilgirikige qarighanda téximu roshen
birleshken döletler teshkilati bash katipi antoniyo gutérrés nöwettiki mesililerni hel qilishta islahat éhtiyajining ilgirikige qarighanda téximu roshen ikenlikini éytti.
türkiye awazi radiyosi xewiri: gutérrés birleshken döletler teshkilatining 78 – nöwetlik omumiy kéngesh yighini dairiside ötküzülgen «kelgüsidiki bashliqlar yighini» da qilghan sözide, «ortaq qaralma» doklatini tilgha élip, bu dairide döletler otturisida qaytidin ishench turghuzush we hemkarliq ornitishning muhimliqi toghriliq chaqiriqta boldi.
u doklatta «kündilik siyasiy we iqtisadiy réalliqlar» gha asasen köp döletlik teshkilatlarni islah qilishning lazimliqini eskertti.
gutérrés mewjutluq tehditliri we xewp-xeterlerge qarshi küresh dewride köp tereplik basqurush sistémisigha éhtiyaj barliqini tekitlep mundaq dédi: «chünki islahat éhtiyaji ilgirikige qarighanda nöwette téximu roshen.»
u köp qutupluq dunya tertipining shekillinishke bashlighanliqini, bu ehwalning hem purset hem yéngi xeterlerni élip kélidighanliqini, shundaqla dunyawi jiddiychilik, riqabet we bölünüshnimu ashuruwétidighanliqini eskertip mundaq dédi: «kelgüsining ehdinamisi siz we xelqingiz otturisidiki ehdiname bolidu.»
«biz nöwette yer shari xaraktérlik xirislargha duch kéliwatimz.bu xirislargha qarshi kichik guruppilar yaki ittipaqlar bilen emes, belki dunyawi hel qilish chariliri arqiliq küresh qilalaymiz. buni ishqa ashuralaydighan birdinbir munber birleshken döletler teshkilatidur.»
