kim jongun rusiyede putin bilen körüshti

türkiye awazi radiyosi xewiri: rusiye pirézidéntliq mehkimisi — krémil bayanat élan qilip, wiladimir putin bilen kim jongunning rusiyening amur rayonidiki wostonchiniy alem boshluqi bazisida körüshkenlikini uqturdi.

putin teripidin alem boshluqi bazisida kütüwélinghan kim jongun, aldirashliqigha qarimay, özini rusiyege teklip qilghan putingha rehmet éytti.

ikki rehber bazini ékskursiye qilip, «angara» alem rakétasi qoyup bérish mashinisini qurashturush séxi, «soyzu -2» alem kémisining qoyup bérish merkizi we «angara» mashinisi üchün quruluwatqan qoyup bérish supisi qatarliqlarni közdin kechürdi.

rusiye fédératsiye alem qatnishi idarisi reisi yuriy borisof bilen alem ul esliheliri meshghulat merkizi bash diréktori nikolay néstérchuk wiladimir putin bilen kim jongungha hemrah bolup, bazidiki xizmet we meshghulatlar heqqide doklat berdi.

alem boshluqi bazisidiki ékskursiyedin kéyin, ikki dölet rehberliri we ulargha hemrah boluwatqan wekiller ömekliri söhbet yighini achti.