baydin: men xitay bilen «soghuq urush»qa kirishke urunmaywatimen
amérika pirézidénti jo baydin wiyétnam ziyariti heqqide toxtilip, özining xitay bilen «soghuq munasiwetler urushi»gha kirishke urunmaywatqanliqini bildürdi.
türkiye awazi radiyosi xewiri: wiyétnam axbarat agéntliqi — wna, baydinning hindistanda chaqirilghan 20 dölet guruhi bashliqlar yighidin kéyin, wiyétnam paytexti xanoygha bérip, wiyétnam kommunist partiyesi bash katipi nguyén fu trong bilen körüshkenlikini xewer qildi.
xewerde körsitilishiche, wiyétnamda tunji qétim ziyarette bolghan baydin, uchrishishtin kéyin bayanat bérip, özining xitay bilen «soghuq urush» bashlash niyitining yoqluqini, meqsitining amérikaning wiyétnam we asiyadiki bashqa döletler bolghan alaqisini yaxshilash arqiliq dunyaning muqimliqigha kapaletlik qilish ikenlikini otturigha qoyghan.
baydin özining wiyétnamni xitayni «qorshash» meqsitide ziyaret qilmighanliqini we xitay bilen bolghan alaqini üzüshni xalimaydighanliqini tekitligen.
u özining amérika - xitay munasiwitini qaytidin eslige keltürüsh teshebbusining semimiy ikenlikini bildürgen.
hindistanda chaqirilghan 20 dölet guruhi bashliqlar yighinigha qatnashmighan xitay dölet reisi shi jinpingning «nöwette bezi qiyinchiliqlarni bir terep qilishqa tirishiwatqanliqi»ni eskertken baydin, shi jinpingning «iqtisadiy qiyinchiliqlar»gha duch kéliwatqanliqigha isharet qilip ötken.
u 20 dölet guruhi bashliqlar yighini jeryanida xitay bash ministiri li chyang bilen körüshkenlikini tilgha élip: «biz muqimliq toghrisida paranglashtuq. toqunush xaraktérlik söhbet emes idi» dégenlerni qeyt qilghan.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
