aqsaray: prigojinning ölgenlikige barghanséri ishiniwatimiz
amérika aqsaray bayanatchisi karin jin piyér (Karine Jean-Pierre) rusiye wagnér yallanma qoshunini qurghan prigojinning 23-awghust (2023) tiki ayropilan weqeside ölgenlikige barghanséri ishiniwatqanliqlirini bildürdi.
türkiye awazi radiyosi xewiri: aqsaray bayanatchisi karin jin piyér ötküzülgen axbarat élan qilish yighinida, «prigojinning ayropilanining chüshüp kétish sewebige munasiwetlik yéngi melumatlar barmu?» dégen soalgha, «bu mesilide yéngi melumatimiz yoq. prigojinning ötken charshenbe küni (23-awghust) yüz bergen ayropilan weqeside ölgenlikige barghanséri ishiniwatimiz» dep jawab berdi.
rusiye fédératsiye awiyatsiyesi 23-awghust élan qilghan bayanatta, prigojin olturghan mexsus ayropilanning twérda chüshüp kétishi netijiside 10 kishining ölgenliki bildürülgen idi.
bayanatta qeyt qilinishiche, ayropilandiki yoluchilar tizimlikide prigojindin bashqa, uning yardemichisi we wagnérni qurghuchilardin biri dmitriy utkin bilen sérgéy propustin, makaryan, aléksandir totmin, walériy chékalow, nikolay matuséyéwlar bar idi.
rusiye tekshürüsh komiéti 27-awghust bayanat élan qilip, twér rayonida ayropilan chüshüp kétishi netijiside ölgenler arisida wagnérning qurghuchisi prigojinning barliqini bildürgen idi.
