«2022 - yili pelestinlik balilargha nisbeten yéqinqi 15 yilning eng qanliq yili boldi»
2022 - yilining ishghaliyet astidiki iyordan deryasining gherbiy qirghiqidiki pelestinlik balilar üchün «yéqinqi 15 yilning eng qanliq yili» bolghanliqi otturigha qoyuldi.
türkiye awazi radiyosi xewiri: kishilik hoquqni közitish teshkilati élan qilghan doklatta: «2022 - yili gherbiy qirghaqtiki pelestinlik balilar üchün yéqinqi 15 yilning eng qanliq yili boldi» dégen ibarilerge orun bérildi.
israiliyening pelestin puqralirigha qaratqan zorawan siyasetlirining bu yilmu éghirlashqan halda dawamlashqanliqigha isharet qilinghan doklatta: «2023 – yilimu (yashash hoquqigha dexli - teruz qilish) oxshash sürette dawamlashmaqta yaki 2022 - yildin éship kétidu» déyildi.
«israiliye armiyesi we saqchiliri pelestinlik balilarni xalighanche öltürüwatidu» dégen ibarilerge orun bérilgen doklatta, israiliye armiyesining iyordan deryasining gherbiy qirghiqidiki pelestinlik balilargha qarita sadir qilghan jinayetliri tekitlep ötüldi.
doklatta yene, israiliye armiyesining gherbiy qirghaqta 2023 - yili «22 - awghustqiche 34 pelestinlik balini öltürgenliki» toghrisidiki uchurgha orun bérildi.
israiliye «iyordan deryasining gherbiy qirghiqidiki eskerliri bilen saqchilirining, bolupmu balilargha qaratqan ejellik küch ishlitishige xatime bérish»ke chaqirilghan doklatta, «mejbur bolup qalmighan teqdirde, qesten adem öltürüshni cheklesh toghrisida yolyoruq chüshürüp, uni bixeterlik qisimliri we amma bilen ortaqlishish» telep qilindi.
israiliyening pelestinlik balilargha qaritilghan heq - hoquqqa dexli - teruz qilish qilmishlirini birleshken döletler teshkilati bash katipigha doklat qildurush, xelqara jinayi ishlar sot mehkimisining pelestindiki ishxanisining balilar hoquqigha dexli - teruz qilish qilmishlirini tekshürüshni tézlitish we «israiliyening éghir dexli - teruzlirigha xatime bérish meqsitide, yardemlerning israiliyege 2023 - yili 3 milyard 800 milyon dollar yardem béridighanliqini élan qilghan amérika qoshma ishtatlirigha oxshash döletler teripidin shertlik bérilishi» qatarliqlar tewsiye qilindi.
ishghaliyet astidiki gherbiy qirghaq uda bir nechche aydin buyan israiliye armiyesining basturush heriketliri we yehudiy köchmenlerning hujumliri peyda qilghan qanungha xilap qilmishlar netijiside éghir jiddiychiliklerge sehne bolmaqta.
