prigojinning ölümi dunya metbuatlirida keng orun aldi
rusiyening yallanma esker shirkiti «wagnér» ning qurghuchisi prigojinning ölümi dunya metbuatlirida yéqindin közitilmekte.
türkiye awazi radiyosi xewiri: amérikaning «The Wall Street Journal» géziti, «wagnérning rehbirini élip mangghan ayropilan chüshüp ketti. ayropilandikilerning hemmisi qaza qildi» serlewhilik xewer élan qildi. gézitte prigojinning rusiye hökümitige qarshi netijisiz isyan bashlighanliqimu eskertildi.
«washington pochtisi géziti» bolsa, rusiye metbuatlirini menbe körsetken halda weqening tepsilatini xewer qildi. gézit prigojinning ötmüshi toghrisidiki tepsilatlarni hembehirlidi.
«niyu york waqti géziti» prigojinning ayropilanda qaza qilghanlar arisida ikenlikige dair melumatlargha orun ajratti. gézit moskwa bilen wagnérotturisidiki ayrilishqa seweb bolghan jeryanlarnimu tepsiliy xewer qildi.
engliyening «télégraf géziti», «rusiye prigojinning ayropilan weqeside qaza qilghanliqini éytmaqta, ittipaqdashlar rusiye prézidénti wladimir putinni ishare qilmaqta» serlewhilik xewer élan qildi. gézitte, bixeterlik menbelirining bu weqeni putinning buyruqi bilen élip bérilghan süyiqest ikenlikige ishinidighanliqigha alahide orun ajritildi.
«quyash géziti» bolsa, bu weqege putinning jawabkar ikenlikini tekitlep, «putinning öch élishi» serlewhilik xewer élan qildi.
«The Guardian » géziti, amérika pirézidénti jo baydinning putinni ishare qilghanliqini tekitlep, bu weqening bashqa rusiye serxillirigha qarita bir agahlandurush ikenlikige dair qarashlirini hembehirlidi.
gérmaniyening «Alman Bild» géziti, «yallanma qoshunning xojayini öldi» serlewhilik xewiride, prigojinning hayati we weqening tepsilatlirini xewer qildi.
fransiyning «lé mondé» géziti, prigojinning iyun éyida moskwa hökümitige qarshi isyan kötürgenlikini eskertip, rusiyening bu weqege qarita süküt qilip turuwalghanliqi terepke hemmining diqqitni tartti.
