firansiyede poyiz we métro béketliride heqsiz su tarqitish bashlandi
firansiyede qattiq issiq sewebidin hökümetning qarari bilen poyiz we métro béketliride heqsiz su tarqitish bashlandi.
türkiye awazi radyosi xewiri: firansiye metbuatliridiki xewerlerge asaslanghanda, yaz témpératurasining pesillik ölchemlerdin yuqiri örlep kétishi sewebidin firansiyening 49 rayonida qizghuch sériq renglik agahlandurush élan qilinghan.
qatnash ministiri klémént bion marsélya shehiridiki saynt charléz wogzalini ziyaret qilip, kéler heptining otturilirighiche dawamlishishi mölcherliniwatqan yuqiri hawa témpératurasigha munasiwetlik tedbirlerni élan qildi.
klémént bion xelqning salametliki üchün firansiye tömür yol liniyesini bashquridighan <SNCF> shirkitige hawa tengshigüch, poyiz we rélislarni asrashni yuqiri pellige kötürüsh buyruqi chüshürdi.
u poyiz, métro békiti qatarliq jaylarda heqsiz su tarqitishni bashlighanliqlirinimu sözlirige ilawe qildi.