lukashénko: bélarusiye dunya tertipide xitay bilen oxshash qarashqa ige
bélarusiye pirézidénti lukashénko xitay bilen dunyaning hazirqi we kelgüsidiki tertipi toghrisida oxshash pikirlerge ige ikenlikini bildürdi.
türkiye awazi radiyosi xewiri: bélarusiyening bélta (BelTA) agéntliqi lukashénkoning minskni ziyaret qilghan xitay dölet mudapie ministiri li shangfu bilen körüshkenlikini xewer qildi.
lukashénko körüshüshte: «bélarusiye we xitay köp qutupluq dunyani, zémin pütünlükini we ikkinchi dunya urushidin kéyin belgilengen chégralarni qollaydu. bashqa döletlerning ichki ishlirigha arilashmasliq pirinsipigha izchil emel qilidu. qisqisi, xitay tashqi siyasitining asasi bizning tashqi siyatimizge pütünley oxshaydu» dédi.
u xitayning ichki we tashqi siyasetlirining bir pütün halda «adil» ikenlikini, ixtilaplar we toqunushlarning mesilini tinchliq bilen hel qilishni nishan qilidighanliqini éytti.
u dunyaning muqim bolmighan bir weziyetni bashtin kechürüwatqanliqini, buning bélarusiye yaki xitayning xataliqi emeslikini, bu shertler astida rusiye-xitay dostluqigha ishinidighanliqlirini eskertip, bélarusiye bilen xitay otturisidiki heriy hemkarliqlarning üchinchi döletlerge qaritilmighanliqini qeyt qildi.
xitay dölet mudapie ministiri li famililik bolsa, bélarusiye rehbirining mart éyi (2023) da béyjingni ziyaret qilghanda shi bilen körüshüp, ikki dölet otturisida mudapie sanaitini öz ichige alghan herbiy hemkarliqlarni tereqqiy qildurush mesiliside pikir birliki hasil qilghanliqini xatirilitip, özining ziyaritining bu yuqiri derijilik kélishimlerni ijra qilishqa ötüshni meqset qilghanliqini bildürdi.
