teywenning muweqqet rehbiri ley chingténing niyu york ziyariti xitayning naraziliqini qozghidi

türkiye awazi radiyosi xewiri: teywenning muweqqet rehbiri ley chingténing  paragwaygha bérish sepiride amérikaning niyu york shehiride toxtap  qilghan ziyariti, xitayning qattiq naraziliqini qozghidi.

u paragway ziyaritidin qaytishidimu amérikaning sanfiransisko shehiride toxtap ötti.

ley chingté tünügün (16-awghust) sanfiransiskogha yétip keldi. uni teywenning washingtonda turushluq wekili xisyaw  bixim we teywendiki amérika institutining mudiri lawra rosénbérgér(Laura Rosenberger) qarshi aldi.

ley chingté ayrodurumgha yéqin bir méhmanxanigha chüshti. méhmanxanining aldida teywen bilen xitayning birlishishini telep qilidighan xitaylar namayish ötküzdi.

ley chingté ijtimaiy taratqu adrésida hembehirligen uchrida, kündüzi amérikada turushluq teywenlikler bilen körüshidighanliqini bildürdi.

teywende kéler yili (2024) ötküzülmekchi bolghan rehberlik saylimida hakimiyet béshidiki démokratik tereqqiyat partiyesining kandidati bolghan ley chingténing paragwayni ziyaret qilishtin ilgiri amérikaning niyu york shehiride «ötkünchi ziyaret» te bolushi, teywen arilini öz zéminining bir parchisi dep dewa qiliwatqan xitayning naraziliqigha uchrighan idi.

xitay öz zéminining bir qismi dep dewa qiliwatqan teywen, xitay xelq jumhuriyiti qurulghan 1949-yildin buyan emeliy musteqilliqtin behriman bolüp kelmekte.

xitaydiki ichki urushtin kéyin, xitay chong quruqluqi bilen teywen otturisidiki ayrilip turush dawamlashmaqta.

xitay dairiliri «bir xitay» pirinsipini tekitlep, teywenning bashqa döletler bilen musteqil diplomatik munasiwet ornitishigha, birleshken döletler teshkilati we bashqa xelqaraliq teshkilatlarda wekil turghuzishigha tosqunluq qilipla qalmay, xitayni  étirap qilghan döletlerning teywen bilen bolghan diplomatik munasiwetlirini üzüp tashlishinimu shert qoshup kelmekte.