méksikada tonglatqugha tiqip qoyulghan 34 kishining jesiti tépildi

türkiye awazi radiyosi xewiri: poza rika shehiri saqchiliri armiye we teptish mehkimisi xadimlirining ishtirak qilishi bilen élip bérilghan herikette, besh öyde axturush élip bérip, tonglatqugha tiqip qoyulghan 34 kishining jesitini tapti.

alaqidar mesullar jesetlerning parchilinip, xaltilargha qachilanghanliqini bildürdi we weqege chétishliq alte kishining qolgha élinghanliqini uqturdi.

bu heriketning saqchilargha oq chiqarghan qoralliq guruppini tutush meqsitide bashlanghanliqini, andin qoralliq kishiler panahlanghan öyde élip bérilghan tekshürüshte 14 jeset tépilghandin kéyin heriketning kéngeytilgenlikini bildürdi.

teptish mehkimisi heriket jeryanida jinayetchilerge tewe bir aptomobil, her xil qorallar we bir qisim zeherlik chékimliklerning qolgha chüshürülgenlikini élan qildi.

bu qatilliq jinayitinng rayonda paaliyet qilidighan we her türlük jinayetlerge chétishliq ikenliki bilen tonulghan jelisko yéngi ewlad kartéli (CJNG) teripidin sadir qilinghanliqi mölcherlenmekte.