kim jongun bashqurulidighan bomba ishlepchiqirishni ashurushqa buyruq chüshürdi
shimaliy koréye rehbiri kim jongun 21-awghust bashlinidighan amérika jenubiy koréye herbiy manéwiridin ilgiri, dölettiki qoral-yaragh we bashqurulidighan bomba ishlepchiqirishni «körünerlik derijide ashurush» buyruqi chüshürdi.
türkiye awazi radyosi xewiri: jenubiy koréye resmiy merkizi xewer agéntliqining xewer qilishiche, kim jongun hepte axirida döletning muhim qoral-yaraq zawutlirini ziyaret qilghan.
kim jongun ziyaret jeryanida bayanat élan qilip, qoral we bashqurulidighan bomba ishlepchiqirishni «zor derijide ashurushqa» buyruq chüshürgen we buning aldinqi septiki eskerlerning éhtiyajini qandurush üchün türkümlep ishlepchiqirishni bashlashni nishan qilghanliqini éytqan.
kim jongun shimaliy koréyening «düshmenlirini mutleq yoqitidighan» ghayet zor herbiy küch bolushi kéreklikini eskertip, her qandaq urushqa taqabil turushqa toluq teyyarliq qilishi kéreklikini bildürgen.
yene bir tereptin jenubiy koréye bilen amérika ortaq mudapiesini kücheytish meqsitide kéler hepte birleshme herbiy manéwir bashlaydighanliqini élan qildi.
jenubiy koréye armiye bash ishtabi (JCS) ning bayanatida, «ulchi erkinlik qalqini» namliq manéwirning 21- awghusttin 31-awghustqiche ötküzülidighanliqi bildürüldi.
bayanatta, manéwirning yéqinqi yillardin buyanqi «eng chong manwér» bolidighanliqi we maniwérning bolupmu shimaliy koréyening bashqurulidighan bomba tehditlirige qarshi tedbir meqsitide teyyarlanghan sinariyelerni asas qilip élip bérilidighanliqi uqturuldi.
