wolker türk iraqning kishilik hoquq weziyiti toghrisida toxtaldi
birleshken döletler teshkilati (b d t) kishilik hoquq aliy komissari wolker türk iraqning ijtimaiy taratqu supisi télégrammini taqiwétishige dep baha berdi we buning kishilik hoquqqa xilap ikenlikini otturigha qoydi.
türkiye awazi radiyosi xewiri: b d t kishilik hoquq aliy komissari wolker türk paytext baghdadta iraq emeldarliri bilen körüshkendin kéyin, muxbirlarni kütüwélish yighini ötküzdi.
u iraq türmiliride ijra qiliniwatqanliqi ilgiri sürülüwatqan qiyin- qistaqlar toghrisida toxtilip, bu heqte islahat élip bérish mesiliside iraq dölet dairiliri bilen ortaq köz qarashta ikenliklirini bildürdi.
iraqning köp xilliqi we güzellikining kishini meptun qilidighan tarixqa ige ikenlikige isharet qilghan wolker türk sözini dawamlashturup: «iraqning yene zulum, zorawanliq we kishilik hoquq depsendichiliki ötmüshimu bar. men iraq xelqining bu kirizistin qutulush iradisige heyran qaldim. sadam hüseyin dewride 1 milyongha yéqin adem ghayib boldi.
2014-2017 – yilliridiki daésh hujumlirida minglighan kishi yoqap ketti. biz hökümetning <mejburiy yoqitiwétilgenler> mesilisidiki xizmetlirige yuqiri baha bérimiz. bu heqtiki qanun layihesining parlaméntqa sunulushimu xushallinarliq ish. iraqta chiriklikke qarshi turush jehettimu küchlük tedbirler yolgha qoyulushi kérek» dédi.
wolker türk iraq hökümitining télégramma supisini taqighanliqigha alaqidar bir soalgha jawab bérip: «her qandaq shekildiki pikir erkinlikini cheklesh kishilik hoquq we hörriyitige xilap» dédi.
b d t kishilik hoquq aliy komissari wolker türk 7 – awghust (2023) bashlanghan iraq ziyariti jeryanida, iraq bash ministiri muhemmed shiya essudani, parlamént bashliqi muhemmed xalbusi, bashqa emeldarlar we bir qisim ammiwi teshkilatlarning wekilliri bilen körüshkenidi.
