gérmaniye rusiye istixbarati üchün ishligen bir kishini qolgha aldi
gérmaniye tomas x. isimlik bir gérmaniye puqrasini rusiye istixbarati (dölet bixeterlik idarisi)gha jasusluq qilish jinayiti bilen eyiblep qolgha aldi.
türkiye awazi radiyosi xewiri: gérmaniye fédératsiye teptish mehkimisi bayanat élan qilip, tomas x. ning koblénz shehiride nazaret astigha élinghanliqini uqturdi.
jinayet gumandarining xizmet orni we öyining axturulghanliqigha isharet qilinghan bayanatta, tomas x. ning bir chet el istixbarat orgini üchün ishlesh bilen eyiblengenliki qeyt qilindi.
tomas x.ning gérmaniye qoralliq qisimlirining jabduq we uchur téxnikisi bölümining xizmetchisi ikenliki bildürülgen bayanatta, gumandarning may (2023) din buyan rusiyening bonndiki konsulxanisi we bérlindiki elchixanisigha bir qanche qétim iltimas sunup, hemkarliq ornitish teklipi sunghanliqi tekitlendi.
bayanatta, bu arqa körünüshte, gumandarning rusiye istixbarat idarisigha tapshurup bérish meqsitide kespiy paaliyetliri jeryanida toplighan uchurlarni ortaqlashqanliqi ilgiri sürüldi.
igilinishiche, tomas x. sotchining qararigha asasen tutqun qilinip, türmige solanghan.
