shimaliy koréyening xakkérlar guruppisi rusiyening mudapie shirkitige tor hujumi qildi
shimaliy koréyening xakkérlar guruppisining rusiye mudapie shirkitige tor hujumi qilghanliqi ilgiri sürüldi.
türkiye awazi radyosi xewiri: shimaliy koréyeni küzitidighan tor béti «NK News» ning xewirige asaslanghanda, <SentinelOne> ning doklatida, <ScarCruft> we <Lazarus> guruppilirining rusiyening istratégiyelik rakéta sistémisi we bashqurulidighan bomba ishlepchiqarghuchisi «NPO Mashinostroyeniya» shirkitige tor hujumi qilghanliqi bildürülgen.
2021-yilining axiridin 2022-yili mayisqiche bolghan ariliqta élip bérilghan hujumlarning shimaliy koréyening qoral-yaragh programmisini tereqqiy qildurush üchün mexpiy uchurlarni oghrilash meqsitide élip bérilghanliqi bildürüldi.
<SentinelOne> yene, «NPO Mashinostroyeniya» shirkitining rusiye armiyesi tetqiq qilip yasap chiqqan sergür bashqurulidighan bomba téxnikisining mexpiy bilim mülük hoquqigha ige ikenlikini bildürdi.
<SentinelOne> yene, «NPO Mashinostroyeniya» shirkitining téxnika we xadimlar menbesi cheklik ikenlikini, shunga uninggha tor hujumi qilishning asan ikenlikini otturigha qoydi.
tor hujumini körsitidighan delil-ispatlarning <NPO> xadimlirining ashkarilanghan élxet adrisliiri arqiliq qolgha chüshürülgenlikini bildürgen <SentinelOne> hujum jeryanida qaysi konkrét sanliq melumatlarning qolgha chüshürülgenlikini bilmeydighanliqini eskertti.